KoranMusi, PALEMBANG – Bingsal anak gadisnyo AS (16) sering keluar pegi bejalan samo lanang, bapak korban SY (40), meloki anaknyo dan akhirnyo berhasil mergoki lagi ngamar di penginapan, Jumat (15/1/2021) samo lanang, HP (20).
Kasubnit PPA Polrestabes Palembang, Iptu Fifin Sumailan jelaske, ado laporan dari bapak korban lalu anggota begerak dan berhasil ngamanke pelaku.
“Pelaku ditingkep tanpa perlawanan,” uji Fifin, Selaso (9/2/2021).
Fifin jelaske, ditangkapnyo pelaku HP, setelah bapak korban bingsal anaknyp sering bejalan samo lanang sampe akhirnyo mergoki lagi ngamar di penginapan.
Sementaro itu, HP mengakui perbuatannyo. Dijelaskenyo kalu dio samo korban tuh berstatus pacaran.
“Sudah dua kali cak ituan samo korban. Pertamo pas bulan Agustus 2020 di rumah kawan. Trus yang keduo pas 15 Januari 2021 di penginapan,” katonyo.
HP mengaku, dia idak ngancem korban untuk ngelakuke perbuatan itu. “Kami samo-samo galak. Aku nyesel, minta maaf dan idak akan ngulangi lagi,” tutupnyo.
Komentar