Koran Musi, Palembang – Bayu Bambang Anugrah (11) ditemuke mati tenggelem di kolam galian batu bata di daerah Jalan Talang Dabuk, Desa Sungai Rengit, Kecamatan Talang Kelapa, Kabupaten Banyuasin, Rabu (17/2/2021) sekitar jam 10.30 WIB.
Pelajar kelas 4 sekolah dasar ini tenggelam pas dio samo kawannyo mandi di kolam bekas galian batu bata. Korban diketahui nyilem duluan di kolam. Habis itu disusul kawannyo.
Pas nak nyusul, kawannyo ini nyingok pakaian korban ado di pinggir kolam. Pas ditunggu, korban idak nimbul lagi. Nyingok kondisi cak itu, kawannyo laju belari minta tolong samo warga sekitar.
Nursupriatin (24) keluarga korban pas ditemui di Rumah Sakit (RS) Bhyangkara Palembang jelaske, dio tau kalu keponakannyo itu tenggelem dari ibu korban.
“Dio ngubungi aku sambil nangis becerito. Pas jenazah ditemuke, keponakan aku ini langsung dibawa ke rumah sakit untuk diperikso,” ujinyo.
Pas nyari korban, Nursupriatin sempet melok nyilem bantu nyari. “Aku melok nyilem hampir 40 menit di kolam itu. Alhamdulilah akhirnyo ditemuke sekitar tigo jam pencarian,” katonyo.
Sementaro itu, dokter Forensik RS M Hasan Palembang, Kompol dr Mansuri ngatoke, habis dilakuke pemeriksaan, idak ditemuke adonyo tando-tando kekerasan di jasad korban.
“Pas pencarian, ditemuke tando-tando kalu korban sudah lamo tenggelam. Mungkin sudah tenggelem sekitar sekitar 4 jam,” jelasnyo.
Setelah dilakuke pemeriksaan di rumah sakit, jenazah korban langsung dibawa ke rumah duka untuk dikubur oleh keluarganyo.
Komentar